COURSES FOR AU STAFF

Yr allwedd i ddyfodol disglair

Fel y gwyddoch, mae'r Brifysgol yn wynebu cyfnod heriol ac mae hynny'n golygu ansicrwydd.

Mae gennym brofiad personol o fod mewn swydd a honno mewn perygl ac yn gwybod pa mor ofidus gall y cyfnod hwn fod.

Rydyn ni hefyd yn gwybod mai'r gamp i oroesi a ffynnu yn ystod cyfnod o newid yw deall sut mae'r gêm recriwtio yn cael ei chwarae fel bod modd i chi ddatgloi'r cyfleoedd rydych chi’n eu dymuno.

P'un a yw'n flynyddoedd ers i chi wneud cais am unrhyw beth a’ch bod am adnewyddu eich sgiliau gwneud cais a chwilio am swydd, neu os oes angen help arnoch i roi hwb i'ch sgiliau cyfweliad fel bod modd i chi ddisgleirio a chael eich rôl nesaf, rydym yn cynnal cyrsiau ar gampws y Brifysgol i’ch helpu.

Wynebu ansicrwydd ynghylch parhad swydd:
Gweithdai Gwneud Ceisiadau Effeithiol am Swydd

Wedi'i gynllunio ar gyfer unrhyw un sydd angen datblygu neu adnewyddu eu sgiliau ceisiadau ac ysgrifennu CV, bydd y gweithdy 2.5 awr hwn, gyda thaflenni, yn eich galluogi i ddeall sut i gyrraedd y rhestr fer ar gyfer swyddi perthnasol oherwydd eich bod yn:

Rheoli'ch cyflwr emosiynol er gwaethaf cyd-destun anodd
Gwybod beth sydd gennych i'w gynnig o ran agwedd, sgiliau, gwybodaeth a phrofiad
Deall sut i feddwl fel recriwtwr a darllen hysbysebion swyddi yn effeithiol
Gwybod ble i chwilio am swyddi a chreu cyfleoedd unigryw gan gynnwys gydag asiantaethau
Gallu cyfathrebu'ch rhinweddau gydag effaith ar CV neu ffurflen gais

Wynebu ansicrwydd ynghylch parhad swydd:
Gweithdai Gwneud Cyfweliad gyda Hyder

Mae'r gweithdy 2.5 awr hwn, gyda thaflen, ar gyfer unrhyw un sydd angen deall sut i baratoi'n effeithiol a bod yn llwyddiannus mewn cyfweliadau. Byddwch yn disgleirio yn y cyfweliad oherwydd eich bod chi’n:

Deall sut mae'r broses yn gweithio
Gwybod sut i nodi cwestiynau tebygol am y sector, y sefydliad, y rôl a'ch proffil personol
Deall sut i strwythuro a chyflwyno'ch atebion yn effeithiol
Rheoli'ch ymddygiad a nerfau yn effeithiol gan ddefnyddio ystod o wahanol dechnegau
Adeiladu cydberthynas ar lafar gyda'r cyfwelydd

Eich hyfforddwr

Caiff y sesiynau Cymraeg eu cyflwyno gan ein Hyfforddwr Cysylltiol profiadol, Sarah Finnegan Dehn, cyn gyfarwyddwr Gyrfa Cymru.

Caiff y sesiynau Saesneg eu hwyluso gan Carolyn Parry, Hyfforddwr Gyrfa'r Flwyddyn y llynedd, a chyn aelod o staff y Brifysgol sydd â phrofiad uniongyrchol a gyda chleientiaid o'r broses ailstrwythuro ac wedi gweithio gyda miloedd o gleientiaid i’w cynorthwyo i greu bywydau gwaith a gyrfaoedd llwyddiannus.

Dyma beth sydd gan ein cleientiaid i’w ddweud

"Rydych chi wedi gwneud y syniad diflas o chwilio am swydd i swnio’n apelgar ac yn gyraeddadwy."

“Gwnaeth i mi deimlo'n fwy cadarnhaol am y dyfodol.".

"Sgiliau awyrgylch a chyflwyno gwych a chyfeillgar."

"Sesiwn wirioneddol ddefnyddiol - llawer i feddwl amdano!"

"Cwrs gwych, rwy’n teimlo'n llawer mwy hyderus a chadarnhaol ynghylch swyddi newydd posib. Roedd y deunydd dysgu yn ddefnyddiol iawn."

Dyddiadau a sut i gadw lle

Cynhelir sesiynau gwahanol yn ystod mis Ebrill a Mai 2018. Am fanylion, dewiswch y gweithdy yr hoffech ei fynychu a dewiswch eich dyddiad o'r rhestr. Mae croeso i chi gadw lle ar y naill weithdy neu’r llall, neu ar y ddau.

Sylwer: mae'r gweithdai hyn ar agor i'r holl staff.